Бақыт Сәрсекбаевтың даулы пәтеріне сот нүкте қойды

Олимпиада чемпионы Бақыт Сәрсекбаев бапкеріне сыйға берген пәтеріне қатысты сотқа шағымданған болатын. Сот істі қарай келе, қазіргі қожайынның меншігінде қалдыру туралы шешім шығарды. Бұл туралы «Астана» телеарнасы хабарлады. «Сәрсекбаев Бақыт Әбдірахманұлы мен пәтердегі өзге де адамдар Астана қаласы Шевченко көшесінде орналасқан үйден шығарылып, пәтер Сағынбаев мырзаға берілсін. Бақыт Сәрсекбаев пен Кәрім Махмұтов мырза арасында жасалған сыйлыққа беру жөніндегі келісім-шарт жарамды деп табылсын. Сот Кәрім Махмұтов пен Сағынбаев мырза арасындағы үйді сату жөніндегі келісім-шарттан заң бұзушылық таппады. Сәйкесінше, үйдің кілті Сағынбаев мырзаға берілсін», - деді шешімді оқыған Астана қаласы Сарыарқа аудандық сотының судьясы Ардақ Балағұмарова. Енді сот шешіміне сәйкес, боксшы Бақыт Сәрсекбаев пәтерің босатуы тиіс.  Пәтер дауына қатысты мәселеге осылайша нүкте қойылды. Әмірхан Алмағанбетов. Дереккөз: «Астана» телеарнасы. Фото: «Астана» телеарнасы.