Мұхаммед Әлидің былғары қолғабы аукционға шығарылатын болды

«Heritage Auctions» аукцион үйі атақты боксшы Мұхаммед Әлидің 1964 жылы Сонни Листонды жеңіп, тұңғыш рет ауыр салмақта чемпион атанған кезде киген былғары қолғабын сатылымға шығарады. Бұл туралы Vesti.az хабарлады. Аукцион үйінің қоғаммен байланыс жөніндегі директоры Ной Флайшер мәлімдегендей, бастапқы бағасы 500 мың долларды құрайтын былғары қолғапты сол кезде жекпе-жектің алдында арнайы тапсырыспен танымал шебер Сэмми Фрэгер тігіп берген екен. «Бұл Әлидің тұңғыш рет ауыр салмақта чемпион атанған кезде киген қолғабы, – дейді аукцион үйінің спортқа байланысты сауда-саттық жөніндегі директоры Крис Айви. – Халық Әлиді біртуар боксшы ретінде таниды. Ал бұл қолғап оның спорттағы алғашқы қадамында маңызды рөл атқарды». Еске сала кетейік, Сонни Листон мен Мұхаммед Әлидің жекпе-жегі 1964 жылдың 25 ақпанында АҚШ-тың Майами қаласында өтті. Айдар Өрісбаев. Дереккөз: Vesti.az. Фото: Kombat.odessa.ua.