Қайғылы оқиға 13 қазан күні сағат 16:51 шамасында «LPG Trade» газ құю бекетіне қарама-қарсы жолда болған.
Маңғыстау облыстық Полиция департаментінің мәліметінше, Ақтау қаласынан Мұнайлы ауданына бара жатқан «Chevrolet Cobalt» автокөлігінің жүргізушісі қарсы бағытқа шығып, «ГАЗель» және «Daewoo Nexia» көліктерімен соқтығысқан.
«Жол апаты салдарынан «Chevrolet Cobalt« автокөлігінің жүргізушісі мен жолаушысы оқиға орнында көз жұмды.
Сондай-ақ, зардап шеккендердің бесеуі Маңғыстау облыстық ауруханасына жеткізілді», делінген баспасөз хабарламасында. Аталған факті бойынша тергеу амалдары жүргізілуде.
