Барымташылардың жолын кесті

Өткен демалыс күндері Тараз шекара отрядының шекарашылары заңсыз жолмен шекарадан барлығы 22 бас жылқыны өткізбек болғандардың жолын кесті, деп хабарлады ҚР ҰҚК ШҚ-ның баспасөз қызметі. «Жасөркен» застава шекарашылары заңсыз жолмен жылқы айдап келе жатқан 2 адамды ұстады, оның бірі Қырғызстан азаматы болса, екіншісі өзіміздің отандасымыз болып шықты. Ұсталғандар 14 бас жылқыны көрші мемлекеттен біздің елге өткізбек болған. Бұдан бір күн кейін «Шөлдала» шекара зас­­тавасының шекарашылары шекараның бұзыл­­ғандығын және ондағы белгісіз іздерді анықтаған болатын. Іздестіру шараларын ұйым­дастыру нәти­жесінде әлгі іздер «Бектөбе» елді мекеніндегі бір үйге алып келді. Үй иесі заңсыз өткен жылқыларды «КамАЗ» жүк көлі­­гіне тиеп жатқан кезде қолға түсті. Ал 8 бас жылқы заставаға қамалды, олардың кейінгі тағдырын шешу үшін істі ҚР ҚК 209-бабының 1-тармағына сәйкес Жамбыл аудан­­дық про­куратурасына беру көзделіп отыр. Аталған деректер бойынша Жамбыл облыстық құқық қорғау органдары мен Оңтүс­тік аумақтық әскери прокуратурасы хабарландырылды.