Республикамыздың жекелеген аумағында қатты аяз болады

Бүгін, синоптиктердің мәлімдеуінше, еліміздің оңтүстігі мен оңтүстік шығысында қатты аяз болады. Бұл туралы Meta.kz хабарлады. Осы күні түнде Алматы, Жамбыл мен Оңтүстік Қазақстан облыстарының кей жерлерінде қатты аяз және тұман болуы ықтимал. Болжам бойынша, атмосфералық ағындарға байланысты еліміздің солтүстік бөлігінде қар жауады. Атырау, Қостанай мен Солтүстік Қазақстан облыстарының да кей жерлерінде тұман болуы мүмкін. Алматы облысының оңтүстік шығысынан соғатын желдің екпіні секундына 15-20 метрге дейін жетеді. Gazeta.kz хабарлағандай, Ақтөбе облысындағы Тасөткел ауылының тұрғындары үш аптадан бері қардың қалың түскендігінен, аудан орталығына шыға алмай отыр. Қатынас болмағасын, дүкен сөрелеріндегі азық-түлік те таусылған екен. Ауа райын болжайтын мамандар бұл өңірге қардың жауатынын алдын ала айтқанымен, жол қатынасы әлі күнге дейін ретке келтірілмеген. Әмірхан Алмағанбетов. Дереккөз: Meta.kz, Gazeta.kz. Фото:  lentaru.net.