![Футболдан Қазақстан чемпионаты: «Қайрат» сырт алаңда «Ақтөбені» жеңді](/media/2021/10/16/f7a0627c-6cce-41cb-bc04-295681e35f65.jpeg)
Аталған турдың алғашқы ойын күнінде төрт кездесу өткізілді. Алматының «Қайраты» сырт алаңда «Ақтөбемен» шеберлік байқасты.
Ойын барысында алматылық клуб сапынан 31-минутта Артур Шушеначев есеп ашса, 41-минутта Гүлжігіт Алықұлов есепті үстемелей түсті. Ал 73-минутта Нұрәлі Әліп автогол авторы атанды. Ойында «Қайрат» қарсыласын 2:1 есебімен тізе бүктірді.
Шымкенттің «Ордабасы» командасы өз алаңында «Атыраудан» 2:1 есебімен басым түсті. Алдымен атыраулық Аллеф Де Андраде Родригеш 47-минутта есеп ашса, одан кейін шымкенттік клубтан Сұлтанбек Астанов – 56, Абдуллай Диакате 73-минуттарда қос гол соғып кетті.
Тағы бір кездесуде Қарағандының «Шахтері» өз алаңында Ақтаудың «Каспийін» 1:0 есебімен сүріндірді. Кездесу тағдырын шешкен жалғыз голды 70-минутта Идрис Умаев өзінің еншісіне жазды.