Парламент • 20 Қазан, 2021

Нұрлан Нығматулин БАҚ өкілдеріне қатысты пікір білдірді

263 рет
көрсетілді
1 мин
оқу үшін

Парламент Мәжілісінің төрағасы Нұрлан Нығматулин БАҚ өкілдері офлайн форматта палатадағы іс-шараларға қатысуына байланысты пікір білдірді, деп хабарлайды Egemen.kz.

Нұрлан Нығматулин БАҚ өкілдеріне қатысты пікір білдірді

Мәжіліс төрағасы коронавирус індетіне байланысты шектеулер енгізілгендіктен, журналистер қалыпты режимде жұмыс істей алмағанын еске салды.

«Баршаңыз жақсы білесіздер, індетке байланысты соңғы бір жарым жыл ішінде ақпарат өкілдері Парламенттің, Үкіметтің де ешқандай шараларына қатыса алмады. Сондықтан бүгінгі отырысымыздың бір ерекшелігі – осы бір жарым жыл ішінде журналистер бірінші рет келіп отыр. Әрине, бұл жақсы жағдай, себебі біз үшін де, БАҚ өкілдері үшін де офлайн жұмыс өте қажет әрі маңызды», деді Н. Нығматулин Мәжілістің жалпы отырысында.

Ол өткен бір жарым жыл ішінде Мәжілістегі іс-шаралар онлайн режимде көрсетілгенін атап өтті.

«Жалпы отырыстан кейін журналистердің заң жобалары бойынша депутаттарға, министрлерге, мемлекеттік органдар басшыларына сұрақ қою тәжірибесін жалғастырамыз», деді Мәжіліс төрағасы.

Соңғы жаңалықтар

Су үнемдейтін қондырғы

Технология • Кеше