Оңтүстік Корея бастамасы нәтижелі аяқталды

Оңтүстік Корея мен КХДР арасындағы жоғары деңгейде өткен келіссөздер нәтижесінде екіжақ 1950-1953 жылдары орын алған Корей соғысы кезінде бір-бірінен көз жазып қалған отбасыларды кездестіру шарасын 20-25 ақпанда өткізуге шешім қабылдады. Бұл туралы ИТАР-ТАСС хабарлады. Тараптардың мұндай шешімге келгені жөнінде Сеул делегациясын басқарған Оңтүстік Корея президенті жанындағы ұлттық қауіпсіздік басқармасы басшысының орынбасары Ким Гю Хён мәлімдеді. Оның ойынша, бұл қадам екіжақты қарым-қатынасты жақсартуға септігін тигізеді. КХДР мен Оңтүстік Корея бір-біріне деген арандатушылық әрекеттерді тоқтатып, екі ел арасындағы сенімді нығайтуға ниет білдірді. Сонымен қатар, тараптар алдағы уақытта да жоғары деңгейде келіссөз өткізуге шешім қабылдады. Айдар Өрісбаев. Дереккөз: Itar-tass.com. Фото: Zn.ua.