Әлем • 21 Қазан, 2021

Басқа басылымдарға шолу

25 рет көрсетілді

Facebook атауын өзгертуі мүмкін

Facebook келесі аптада компания атауын өзгертуді жос­парлап отырғаны белгілі болды. Бұл туралы The Verge осыған тікелей қатысы бар дереккөзге сілтеме жасай отырып мәлімдеді.

Бас директор Марк Цукерберг бұл жаңалықты 28 қазанда, компаниясының жыл сайынғы Connect конференциясында айтуы мүмкін. Бұл өзгеріс технологиялық алыптың тек әлеуметтік желілер мен оған байланысты туындаған мәселелер арқылы танымал болғысы келмейтінін білдіреді.

Ребрендинг жоспары бойынша көк түсті Facebook қосымшасын компания басқаратын Instagram, WhatsApp, Oculus секілді өзге де өнімдердің бірі деп көрсетуі мүмкін. Алайда Facebook өкілі бұл туралы сұраққа жауап беруден бас тартқан.

Facebook-те қазірдің өзінде AR көзілдірігі сияқ­ты тұтыну­шылық жабдықты жасайтын 10 мыңнан аса қызметкер жұмыс істейді. Цукербергтің пікірінше, бұл көзілдіріктер смартфондар сияқты танымал болмақ.

Шілде айында ол The Verge-ге келесі бірнеше жыл ішінде «адамдардың бізді мета компания ретінде көре бастауына жұмыс істейміз» деген-ді.

Facebook компания бағыты мен мақсатының кеңеюіне байланысты өзінің атауын өзгертетін алғашқы танымал технологиялық компания емес.

 

Нью-Йоркте Беларусьтің Бас консулдығы жабылды

Беларусьтің Нью-Йорктегі Бас консулдығы премьер-министр Роман Голов­ченко қол қойған рес­публика Министрлер Кеңесінің Қаулысына сәйкес жабылды.

Тиісті құжат сәрсенбіде Ұлттық құқықтық интернет-порталда жарияланған. Құжатта «Беларусь Республикасының Нью-Йорк қаласындағы (Америка Құрама Штаттары) Бас консулдығы 2021 жылғы 20 қазанға дейін жабылсын», делінген.

Бас консулдық бұған дейін 21 қазанда америкалық тараптың өтініші бойынша жұмысын тоқтататынын хабарлаған. Бас консулдықтың консулдық округінің аумағында тұратын Беларусь азаматтары, Канаданы қоса алғанда, дипломатиялық мекеме жабылғаннан кейін республиканың АҚШ-тағы елшілігіне жүгіне алады.

Минскіге қарсы АҚШ санкцияларының қайта басталғанына орай Беларусь сыртқы істер ми­нистрлігі АҚШ-қа 1 қыркүйекке дейін Минскідегі елшілігін бес адамға дейін қысқартуды ұсынды. Сондай-ақ Беларусь тарабы Джули Фишерді АҚШ-тың Беларусьтегі елшісі етіп тағайындауға бұрын берілген келісімді кері қайтарып алды.

 

Глазгодағы климат туралы жиынға бармайтын болды

Кремль сәрсенбіде Ресей президенті Вла­димир Путиннің Глазго­дағы COP26 климат саммитіне қатыс­пайтынын хабарлаған.

Жиынға қатыспауының себебі нақты көрсетілмегенімен, Кремль өкілі климаттың өзгеруі Ресей үшін маңызды мәселе екенін атап өтті.

COP26 саммиті 31 қазаннан 12 қарашаға дейін Шотландияның ең ірі қаласында өтеді.

Ресей басшысының аталған саммитке бармауы көшбасшылардың жаһандық температураның көтерілуін тоқтату үшін жаңа келісімге келуіне бағытталған шешім қабылдауда қиындықтар туғызғаны айтылуда.

«Өкінішке қарай, Путин Глазгоға ұшпайды»,  деген Кремльдің өкілі Дмитрий Песков журналис­терге климаттың өзгеруі Ресейдің сыртқы саясаты­ның маңызды басымдықтарының бірі деп атап өткен.

Владимир Путин ресми мәлімдемеге түсінік­теме бермеді. Алайда ол 13 қазанда Мәскеуде өткен Халықаралық энергетикалық форумда сөйлеген сөзінде коронавирус пандемиясы Ресей басшысының сапар туралы шешіміне әсер еткенін мәлімдеді.

Соңғы жаңалықтар

Қазақстанда алтын қоры өсті

Экономика • Бүгін, 09:35

Бір тәулікте 683 науқас тіркелді

Коронавирус • Бүгін, 09:19

Халықты ревакциналау тәсілі өзгерді

Коронавирус • Бүгін, 09:15

Балық па, әлде жылан ба?

Аймақтар • Бүгін, 09:07

Үздік шетелдік ойыншы атанды

Теннис • Бүгін, 09:04

Індет кезінде тыныштық та ем

Коронавирус • Бүгін, 09:02

Ташкенттегі жарыс табысты басталды

Ауыр атлетика • Бүгін, 09:01

Ұшақ билеттері қымбаттады

Қоғам • Бүгін, 08:51

Ұқсас жаңалықтар