Әлем • 21 Қазан, 2021

Ресей билігі тәліптерді мойындау шартын атады

264 рет көрсетілді

20 қазанда «Талибан» қозғалысының өкілдері (Қазақстан мен Ресейде тыйым салынған) Мәскеуге келді, деп хабарлайды Egemen.kz.

Мәскеуде тәліптер сыртқы істер министрі Сергей Лавров бастаған ресейлік дипломаттармен кездескен. Сондай-ақ, жиынға Үндістан, Иран, Қазақстан, Қырғызстан, Қытай, Пәкістан, Тәжікстан, Түрікменстан және Өзбекстан өкілдері де қатысты.

Лавровтың айтуынша, ол тәліптермен Ауғанстанда жаңа үкімет құру мәселесін талқылаған.

«Олардың әскери-саяси ахуалды тұрақтандыруға, мемлекеттік аппарат қызметін жақсартуға бағытталған күш-жігерін ескеру керек», деп министр Ауғанстандағы биліктің ауысуына факт ретінде қарау керек екенін баса айтты.

Сыртқы істер министрі «Талибан» өкілдерімен кездесу кезінде ел аумағы басқа мемлекетке қарсы қолданылмайтыны туралы уәдесін орындауға шақырғанын қосты.

Бұл ретте Ресей президентінің Ауғанстан бойынша арнайы өкілі Замир Кабулов Кабулдың жаңа басшылығын адам құқықтарын құрметтеуге шақырды. Ол осы жағдайда ғана тәліптердің халықаралық қоғамдастық тарапынан танылуына мүмкіндік алатынын айтты.

«Арнайы өкілдің айтуынша, тәліптер мемлекеттік басқару жүйесін және адам құқықтарының жағдайын жақсартуға тырысатынына сендірді. Сонымен қатар ол әлемдік қауымдастықты ауған халқына көмек көрсету үшін күш біріктіруге шақырды. Ауғанстандағы жаңа үкімет бәріне бірдей ұнамайды, бірақ егер үкіметті жазаласақ, онда барлық халықты жазалағанымыз», деп түсіндірді Кабулов.

Мәскеу конференциясының қорытындысы бойынша оған қатысушылар «Талибан» қозғалысын ресми түрде мойындауға қарамастан, Ауғанстанмен практикалық ынтымақтастық орнатуды жақтады. Олар «Талибанды» мемлекеттік басқару жүйесін жетілдіру үшін қосымша шаралар қабылдауға және елдің барлық негізгі этносаяси мүддесін көрсететін инклюзив үкімет құруға шақырды.

Соңғы жаңалықтар

Қазақстанда алтын қоры өсті

Экономика • Бүгін, 09:35

Бір тәулікте 683 науқас тіркелді

Коронавирус • Бүгін, 09:19

Халықты ревакциналау тәсілі өзгерді

Коронавирус • Бүгін, 09:15

Балық па, әлде жылан ба?

Аймақтар • Бүгін, 09:07

Үздік шетелдік ойыншы атанды

Теннис • Бүгін, 09:04

Індет кезінде тыныштық та ем

Коронавирус • Бүгін, 09:02

Ташкенттегі жарыс табысты басталды

Ауыр атлетика • Бүгін, 09:01

Ұшақ билеттері қымбаттады

Қоғам • Бүгін, 08:51

Ұқсас жаңалықтар