Қоғам • 21 Қазан, 2021

Зағип жандарға арналған кітапханалар қоры артады

34 рет көрсетілді

Зағип және көзі нашар көретіндерге арналған кітапханалар қоры ұлғайтылады. Бұл туралы Орталық коммуникациялар қызметінде «Ұлттық рухани жаңғыру» ұлттық жобасы мақсатын түсіндіру кезінде ҚР Мәдениет және спорт вице-министрі Нұрқиса Дәуешов айтты, деп хабарлайды Egemen.kz.

Министрлік ұлттық жобаның «Ел рухы» II-бағыты аясында Зағип және көзі нашар көретіндерге арналған кітапханалар қорын, соның ішінде мемлекеттік тілдегі қорды ұлғайту іс-шарасын жүргізуде. Бұл бағыттағы жұмыс еліміздегі мүмкіндігі шектеулі адамдар үшін тең қолжетімділікті қалыптастыру және олардың әлеуетін іске асыру мақсатында 2025 жылға дейінгі кезеңді қарастырады.

Осы бағыттағы жұмыстар еліміздегі зағип және нашар көретін азаматтарға арналған кітапханалармен бірлесе жүргізіледі. Аталған кітапхана оқырмандарының негізгі ақпарат көзі - бедерлі-нүктелі шрифтпен, яғни Брайль қарпіндегі кітаптар. Бұл ретте, министрліктің 2021-2023 жылдарға арналған бюджеттік жоспарында жыл сайын Зағип және нашар көретін азаматтарға арналған республикалық кітапханаға брайль принтері мен брайльдің портативті тактильді дисплейлерін, материалдық емес активтерді сатып алу үшін және кітапхана қорын толықтыруға тиісті қаражат қарастырылған.

Соңғы жаңалықтар

Ұлы Жамбыл мұрасы ұлықталды

Руханият • Бүгін, 00:33

Ұқсас жаңалықтар