Бейжіңде «Бейбіт миссия – 2014» террорға қарсы бірлескен әскери оқу-жаттығуларының алғашқы штабтық келіссөздері өткізілуде. Келіссөздерде Қазақстан Қарулы Күштері Бас штаб бастығының орынбасары генерал-майор Мұқан Дүйсекеев бастаған қазақстандық әскери делегация оқу-жаттығудың жоспарын, мақсаты мен тапсырмаларын, сондай-ақ, ұйымдастыру мәселелерін талқылауда.
Генерал-майор Мұқан Дүйсекеев өз сөзінде:
– Шанхай ынтымақтастық ұйымы шеңберіндегі ынтымақтастық Қазақстанның көп векторлы саясатының маңызды элементі болып табылады және ұлттық және өңірлік қауіпсіздікті қамтамасыз ету ісіне үлкен үлес қосады. Қазақстан ШЫҰ-ның өзара сенімді нығайту, достық пен тату көршілік, көпсалалы ынтымақтастықты дамыту, сондай-ақ, бой көрсеткен террорлық, сепаратистік және экстремистік әрекеттерге бірлесіп қарсы тұра білу мақсаттарына жақын, – деп атап өтті.
Шанхай ынтымақтастық ұйымы пішініндегі командалық-штабтық оқу-жаттығулары дәстүрлі түрде ШЫҰ-ға мүше мемлекеттер аумағында екі жылда бір рет өткізіліп тұрады. Аталған іс-шараға Қазақстан, Қытай, Ресей, Тәжікстан және Қырғыз Республикасының әскери контингенттері қатысады.
Биыл «Бейбіт миссия – 2014» оқу-жаттығулары Қытай Халық Республикасының аумағында өтеді. 2010 жылы «Бейбіт миссия» оқу-жаттығулары Қазақстанның Мәтібұлақ полигонында өткен болатын.
ӘСКЕРИ БӨЛІМДЕРДЕГІ ТЕКСЕРУЛЕР
Қорғаныс министрлігі Бас инспекциясының жоспарына сәйкес, 2014 жылғы 3 ақпаннан бастап Аэроұтқыр әскерлерінің Алматы гарнизонында шоғырланған бірнеше әскери бөлімдеріне инспекциялау жүргізілуде.
Тексерістің мақсаты бөлімдердің қойылған тапсырмаларды белгіленген мерзімде орындау мүмкіндігін анықтау. Сондай-ақ, қару-жарақ пен әскери техниканың жай-күйін тексеру. 2014 жылғы 12 ақпанда түске дейін 61993 әскери бөлімінің (Қазақстан бітімгершілік бригадасы) автомобильді және бронды техникасы белгіленген ауданға (70 разъезд, әскери бөлімге таяу жерде) шығарылып тексерілді. Бүгінде барлық техника сақтау орнына оралып үлгерді.
Тексеру жұмыстары бөлімнің тұрақты орналасқан аумағымен бірге, далалық жағдайларда да (оқу орталықтарында) жүргізілуде.
«Егемен-ақпарат».
ӘСКЕРИ БӨЛІМДЕРДЕГІ ТЕКСЕРУЛЕР
Қорғаныс министрлігі Бас инспекциясының жоспарына сәйкес, 2014 жылғы 3 ақпаннан бастап Аэроұтқыр әскерлерінің Алматы гарнизонында шоғырланған бірнеше әскери бөлімдеріне инспекциялау жүргізілуде.
Тексерістің мақсаты бөлімдердің қойылған тапсырмаларды белгіленген мерзімде орындау мүмкіндігін анықтау. Сондай-ақ, қару-жарақ пен әскери техниканың жай-күйін тексеру. 2014 жылғы 12 ақпанда түске дейін 61993 әскери бөлімінің (Қазақстан бітімгершілік бригадасы) автомобильді және бронды техникасы белгіленген ауданға (70 разъезд, әскери бөлімге таяу жерде) шығарылып тексерілді. Бүгінде барлық техника сақтау орнына оралып үлгерді.
Тексеру жұмыстары бөлімнің тұрақты орналасқан аумағымен бірге, далалық жағдайларда да (оқу орталықтарында) жүргізілуде.
«Егемен-ақпарат».
