Бұл кездесуде оралдықтарды жаттықтыратын украиналық маман Владимир Мазяр бірқатар өзгеріс енгізіп, қақпа кілтін ресейлік Степан Сикач ұстады.
Бірінші таймда алаң иелері өз басымдылықтарын көрсете білді. Алдымен 15-ші минутта белоруссиялық Алексей Залеский айып добын дәл орындады. Содан кейін 30-шы минутта ол 11 метрлік пенальтиден де мүлт кеткен жоқ. Есеп - 2:0.
Есесіне екінші таймда қонақтар сәтті ойын көрсете бастады. 46-шы минутта украиналық Алексей Чичиков есепті қысқартты. 67-ші минутта ресейлік Михаил Гащенков таразы басын 2:2 есебімен теңестірді. М.Гащенков өткен ойында да мергендігімен көзге түскен болатын.
Бұл турдан кейін 32 ұпай жинаған «Ақжайық» 7-ші орынға жайғасса, «Каспий» 9-шы сатыда қалды.
30 қазан күні өтетін ел чемпионатының соңғы турында «Ақжайық» өз алаңында Қостанайдың «Тобылын» қабылдайды. Бұл қостанайлықтар үшін шешуші кездесу болмақ.
