![Оралда жоғалған әйелдің мәйіті табылды](/media/2021/10/25/eabaa04dac3a338214cbc00383bc729e_xl.jpg)
БҚО полиция департаментінің баспасөз қызметі мәлім еткендей, 58 жастағы Дина Станько биылғы 24 тамызда шамамен сағат 17.00-де үйінен шығып кеткеннен оралмаған.
Оны іздестіруге қалалық полиция басқармасының жеке құрамы жұмылдырылды. Оралдағы бейнебақылау камералары қаралып, тұрғындарға сұрау салынды. Куәгерлердің сөзінен әйелдің Желаев кенті жаққа кеткені белгілі болған.
Дүкен қызметкері, 1967 жылғы тұрғын Желаев кенті ауданындағы орманнан саңырауқұлақ жинап жүрген кезінде әйелдің бас сүйегі мен мүрде қалдықтарын тапты.
Полиция департаментінің мәліметінше, сүйек қалдықтары сот-медициналық сараптамаға жіберілді.
Сараптама қорытындысына сәйкес өлімнің себебі анықталады. Марқұмның туыстары оқиға болған жерден әйелдің киімдерін таныды.
Сонымен қатар әйелдің сіңлісі мен оның тістерін емдеген стоматологтармен бірге тістері алынып, зерделенді.
Оқиғаның мән-жайы анықталып, тергеу жүргізіледі.