Спорт • 26 Қазан, 2021

Министрлік кубогын жеңіп алды

53 рет көрсетілді

Жуырда Нұр-Сұлтан қаласындағы «Алау» мұз айдыны сарайында Қазақстан Республикасы Төтенше жағдайлар министрінің кубогы үшін шайбалы хоккейден турнир өтті. Бұл жарыс Қазақстан Республикасы Тәуелсіздігінің 30 жылдығына орай тұңғыш рет ұйымдастырылды.

Іс-шараның ашылу салтанатына Төтенше жағ­дай­лар ми­нистрі Юрий Ильин қаты­сып, құттықтау сөз сөй­леді. Жа­рыс­қа ТЖМ, Нұр-Сұл­­тан қала­сы, Ақтөбе және Сол­түстік Қа­зақ­стан облыс­та­ры­ның коман­далары қаты­сып, министрлік кубогын са­рапқа салды. Сондай-ақ ІІМ Сол­түстік Қазақстан об­лы­сы­ның Мамандандырылған күзет қызметі басқармасының ко­мандасы да осы жарысқа қа­тысып, өз күштерін сынады.

 Хоккей қолданыстағы ережелерге сәйкес 15 минуттан 3 тайм және 3 минуттық үзіліс тәр­тібімен өтті. Әр команданың құра­мында 12 ойыншы болды. Ойын барысын елордалық гарнизон құтқарушыларының кәсі­би дайындық бөлімшесі, ТЖ минис­трлігі қызметкерлерінен құралған төрешілер алқасы бақылады.

Жарыс қорытындысы бо­йын­ша Солтүстік Қазақстан об­­лысы ТЖД командасы б­і­рін­ші орынды иеленіп, бас жүл­­дені қанжығаларына бөк­терді. Екінші орынды да сол­түс­тікқазақстандықтар ие­ле­ніп, Солтүстік Қазақстан об­лы­сының Мамандандырылған күзет қызметі басқармасының командасы алды. Осының өзі­нен Сол­түстікте хоккей ойы­нына үл­кен көңіл бө­ліне­тіндігі кө­рініп тұр. Ал та­маша стадиондары бар Нұр-Сұлтан қаласының ТЖД ко­мандасы үшін­ші орынға қана­ға­ттанды. Ко­­мандалар дипломдармен, ме­даль­дармен және естелік сый­­лықтармен марапатталды. Турнир чемпиондарына ауыс­палы кубок пен бірінші дәре­желі диплом табыс етілді.

 

Солтүстік Қазақстан облысы

Соңғы жаңалықтар

Ырысты ынтымақтың ұйытқысы

Елбасы • Бүгін, 01:03

Инвестиция үшін тартымды ел

Тәуелсіздіктің 30 жылдығы • Бүгін, 00:38

Көне мұралар – халық қазынасы

Руханият • Бүгін, 00:12

Атам айтқан жарық жұлдыз

Тәуелсіздіктің 30 жылдығы • Бүгін, 00:04

Иранның таңдауы

Саясат • Кеше

Ұқсас жаңалықтар