Еліміздің жекелеген өңірлерінде көктайғақ болады

Бүгін, 18 ақпан күні еліміздің кейбір аймақтарында атмосфералық ағындардың өтуіне байланысты ауа райы тұрақсыз болады. Бұл туралы Gazeta.kz хабарлады. Алматы облысының Жалаңашкөл  ауданында желдің екпіні секундына 27 метрге дейін жетеді. Осы өңірде түнде тұман түседі деп күтілуде.  Ал Шығыс Қазақстан облысының Жарма ауданында желдің екпіні секундына 27 метрге дейін жетуі мүмкін. Оңтүстік Қазақстан, Алматы, Солтүстік Қазақстан және Қостанай облыстарында желдің екпіні секундына 15-20 метрге дейін күшейеді. Батыс Қазақстан, Ақтөбе және Маңғыстау облыстарында тұман түсіп, көктайғақ болуы ықтимал.  Қызылорда облысының кей жерлерінде желдің екпіні секундына 15-20 метрге дейін жетіп, көктайғақ болатыны күтілуде. Осыған орай, жергілікті жердегі төтенше жағдайлар департаменті облыс тұрғындары мен қонақтарына қауіпсіздікті сақтау қажеттігін ескертеді. Республиканың оңтүстік-шығыс және шығыс өңіріндегі өзендер суы деңгейінің көтерілуі мүмкін. Бұл мәлімет Шардара су қоймасына да қатысты екенін еске саламыз. Әмірхан Алмағанбетов. Дереккөз: Gazeta.kz. Фото: Gubdaily.ru.