Спорт • 27 Қазан, 2021

Октагонға шығатындар анықталды

176 рет көрсетілді

30 қазанда Біріккен Араб Әмірлік­терінің Абу-Даби қаласында аралас жекпе-жектен өтетін UFC 267 додасында кімдердің айқас алаңына шыға­тыны толықтай белгілі болды.

Жарыстың басты жекпе-жектерінде екі бірдей алтын белбеу сарапқа салынады. Атап айтсақ, поляк Ян Блахович (28 жеңіс, 8 жеңіліс) пен бразилиялық Гловер Тейшейра (32 жеңіс, 7 жеңіліс) жартылай ауыр салмақтың чемпиондық тәжі үшін таласады. Бұлардың екеуі де көпті көрген сақа спортшылар. Блаховичтің жасы 38-де, Тейшейра 41 жаста. Ресейлік Петр Ян (15 жеңіс, 2 жеңіліс) мен америкалық Кори Сэндхаген (14 жеңіс, 3 жеңіліс) уақытша чемпиондық белбеу үшін айқасады. Олардан бөлек, Ислам Махачев пен Дэн Хукер, Александр Волков пен Марчин Тыбура, Хамзат Чимаев пен Ли Цзянлянь және Магомед Анкалаев пен Волкан Оздемир арасындағы кездесулер де жер-жаһандағы сан миллион жанкүйердің қызығушылығын тудырып отыр.

Ал барша қазақстандық Дамир Исмағұ­ловтың тілеуін тілейді. Ресейдің Орынбор облысында туып-өскен қандасымыз осы күнге дейін UFC-де төрт бәсеке өткізіп, барлығында жеңіске жетті. Бұл жолы ол Ресей спортшысы Магомед Мустафаевпен күш сынасады.

Соңғы жаңалықтар

Тоқсанның төрінде

Аймақтар • Бүгін, 09:16

Татарстаннан олжалы оралды

Хоккей • Бүгін, 09:14

Зерттеу ауқымын кеңейту маңызды

Аймақтар • Бүгін, 09:11

Теңдесі жоқ жетістік

Қазақстан • Бүгін, 08:54

Елбасы аманаты

Пікір • Бүгін, 08:45

Мінсіз – кім?

Руханият • Кеше

Семейдегі серпіліс

Аймақтар • Кеше

Ұқсас жаңалықтар