Қоғам • 28 Қазан, 2021

«Жусан» операциясы: 77 әйел радикалды көзқарасын өзгертті

50 рет көрсетілді

«Жусан» операциясының нәтижесінде қазақстандық 77 әйел радикалды идеологиядан өз еркімен бас тартты. Бұл туралы ҚР Терроризмге қарсы орталық штабының бөлім басшысы Жанарбек Жаңабаев мәлім етті, деп хабарлайды Egemen.kz.

«Сирияда террористік ұйымдардың құрбаны болып, «Жусан» операциясының арқасында құтқарылған бірқатар отандастарымыз туралы білесіздер. Аталған операция алдында дайындық жұмыстары жүргізілді. Арнайы топ Сирияға барып жағдайды бақылауды, оның жоспары әзірленді. «Жусан» операциясы арқылы барлығы 607 қазақстандық елге оралды. Оның ішінде 37 ер, 157 әйел және 413 бала (соның ішінде 34 жетім бала) елге жеткізілді.

Сонымен қатар 59 адам қылмыстық жауапқа тартылды. Қазақстанға келген соң отандастарымызды бейбіт өмірге бейімдеу шарасы өткізілді. Нәтижесінде 88 әйел исламды қайта қабылдап, 77 әйел радикалды идеологиядан бас тартты»,  деді Жанарбек Жаңабаев «Kazakhstan Security Systems -2021» атты республикалық конференция барысында.

Оның айтуынша, «Жусан» операциясына көптеген елдер қызығушылық танытып жатыр.

«Біздің тәжірибемізге қызығушылық танытып жатқан біраз елдер бар. Қазақстанда терроризмге қарсы және алдын алуға қатысты шаралар мемлекеттік деңгейде 2000 жылдары қолға алынды. Содан бері 20 жылдан астам уақыттың ішінде мемлекеттік деңгейдегі шешімдер өз нәтижесін беріп отыр. Терроризммен күресте барлық мемлекеттік және құзырлы органдар өзара тығыз байланыста жұмыс істеп келеді», дейді ол.

Айта кетейік, бүгін елордада террористік қауіп-қатерге қарсы күрес тақырыбына арналған 8-ші республикалық конференция өтіп жатыр. Аталған шарада қауіпсіздікті нығайту саласындағы бүгінгі ахуал мен тенденциялар ортаға салынуда. 

Соңғы жаңалықтар

11 өңір «жасыл» аймаққа көшті

Коронавирус • Бүгін, 09:24

Тоқсанның төрінде

Аймақтар • Бүгін, 09:16

Татарстаннан олжалы оралды

Хоккей • Бүгін, 09:14

Зерттеу ауқымын кеңейту маңызды

Аймақтар • Бүгін, 09:11

Теңдесі жоқ жетістік

Қазақстан • Бүгін, 08:54

Елбасы аманаты

Пікір • Бүгін, 08:45

Мінсіз – кім?

Руханият • Кеше

Семейдегі серпіліс

Аймақтар • Кеше

Ұқсас жаңалықтар