![Елордада ұзаққа созылған мектеп құрылыстары қайта жанданды](/media/2021/10/28/211028161909129e.jpg)
«Елорда аудандарын әлеуметтік нысандармен біркелкі қамтамасыз ету үшін учаскелерді алдын ала резервке қоямыз: жобалау-сметалық құжаттаманы дайындаймыз, құрылыстың барысы мен сапасын бақылаймыз. Аралау кезінде біз бірқатар қажетті шараларды қабылдаған бір кездегі проблемалық нысандардың құрылыс барысымен таныстық. Мысалы, Есіл ауданындағы Ұлы Дала даңғылы мен №39 көшенің қиылысында орналасқан мектепке бардым. Оқу орнының құрылысы үш жыл бұрын басталған. Бірақ жосықсыз құрылысшы өз міндеттемелерін орындай алмады. Онымен біз келісімшартты бұздық, бұл бізге мектеп құрылысын өлі нүктеден жылжытуға мүмкіндік берді. Бұл мектептерді салып, келесі жылы пайдалануға беруді жоспарлап отырмыз. Бұл мектеп екі ауысымда 2400 оқушы орнын құруға мүмкіндік береді», деп атап өтті Алтай Көлгінов.
Осыған ұқсас мәселе Сарыарқа ауданында орналасқан басқа мектепте де болды. Мектеп құрылысы бес жыл бұрын басталған. Құрылыс барысы қол режиміне өтті.
«Сондай-ақ, №59 мектеп-лицейінің жүктемесін ескере отырып, қосымша жаңа корпус саламыз, бұл мектептің жүктемесін едәуір азайтуға мүмкіндік береді. Осылайша, келесі оқу жылы басталар алдында оқу орындарының есігін айқара ашу үшін қазірдің өзінде дайындық үстіндеміз. 2022 жылы тағы да 11 мектеп салып, пайдалануға беруді жоспарлап отырмыз. Кешенді жоспар аясында бес жылдық кезеңге 70-ке жуық мектеп салу жоспарланған. Мектеп құрылысына да жеке инвестиция тартамыз. Оқу орындарының құрылысымен қатар, қолданыстағы оқу орындарына да назар аударамыз – 25-тен астам білім беру нысаны жөнделді, сондай-ақ оқу орындарының материалдық-техникалық жабдықталуына, соның ішінде инклюзивті білім беру үшін жағдай жасауға ерекше назар аударамыз», деп жазды елорда әкімі.