Қоғам • 28 Қазан, 2021

Ералы Тоғжанов құрылатын жаңа жұмыс орындары туралы айтты

55 рет көрсетілді

Бүгін елордада өткен «Жалпыға Ортақ Еңбек Қоғамына» атты республикалық форумда ҚР Премьер-Министрінің орынбасары Ералы Тоғжанов алдағы уақытта құрылатын жаңа жұмыс орындары туралы айтты, деп хабарлайды Egemen.kz.

«Үкімет еңбек адамының беделін арттырып, табысын көтеруге бағытталған кешенді нақты жұмыстарды іске асырып жатыр. Біріншіден, әлеуметтік саясатта қарапайым еңбек адамының табысын арттыруға басымдық беріліп отыр. Атап айтқанда, биыл еңбекақы теңсіздігін болдырмауға бағытталған жұмыстар аясында елімізде 900-ге жуық кәсіпорында 600 мыңнан астам жұмыскердің жалақысы орта есеппен 25 пайызға артты. Азаматтық қызметшілер жалақысы орта есеппен 19-дан 45 пайызға дейін көтерілді. Бұдан бөлек, Мемлекет басшысының шешімімен келесі жылдан бастап ең төменгі жалақы мөлшері артатын болады. Нәтижесінде, 1,7 млн жұмыскердің табысы өседі», деді Е.Тоғжанов.

Оның айтуынша, жаңа жұмыс орындарын ашу бағытында жүйелі шаралар қабылданып жатыр. Нәтижесінде, жыл басынан бері 1 млн-нан астам адам жұмыспен қамту іс-шараларына тартылып отыр.

«Жұмыссыздық деңгейін айналамыздағы жағдайға, пандемияға қарамастан, 4,9 пайыз деңгейінде сақтап қалуға мүмкін болды. Нақты қабылданған шаралардың арқасында осы деңгейде қалыптасты. Сонымен қатар, 12 қазанда Үкімет отырысында бекітілген ұлттық жобалар аясында 2025 жылға дейін 1,7 млн жаңа жұмыс орындарын құру жоспарланып отыр», деді Үкімет басшысының орынбасары.

Соңғы жаңалықтар

ДДСҰ QazVac-ты қашан мойындайды?

Коронавирус • Бүгін, 12:35

11 өңір «жасыл» аймаққа көшті

Коронавирус • Бүгін, 09:24

Тоқсанның төрінде

Аймақтар • Бүгін, 09:16

Татарстаннан олжалы оралды

Хоккей • Бүгін, 09:14

Зерттеу ауқымын кеңейту маңызды

Аймақтар • Бүгін, 09:11

Ұқсас жаңалықтар