Аймақтар • 01 Қараша, 2021

Шымкентте алкоголь өнімдерін шығаратын жасырын цех анықталды

60 рет көрсетілді

Шымкент қаласында қаржылық мониторинг агенттігі аумақтық департаментінің қызметкерлері Дербес көшесіндегі кафеде астыртын цехты анықтап, қызметін тоқтатты деп хабарлайды Egemen.kz.

Астыртын цехты 28 жастағы қала тұрғыны ұйымдастырған. Бұл заңсыз әрекет үшін 2 жылға дейінгі мерзімге бас бостандығын шектеу/айыру қылмыстық жауапкершілігі қарастырылған.

«Жасанды есепке алу - бақылау таңбалары бар атаулы 6 мың бөтелке алкоголь өнімі, құрамында спирті бар 1200 литр сұйықтық тәркіленді. Қазіргі уақытта сотқа дейінгі тергеу амалдары жүргізілуде», делінген хабарламада.

2021 жылдың басынан бері аумақтық департамент 11 цехты анықтап, заңсыз айналымнан 20 мың бөтелке контрафакт, 900 литрден астам спирт және 20 мың ЕБМ тәркіленді.

Соңғы жаңалықтар

Елорда «жасыл» аймаққа өтті

Коронавирус • Кеше

Ұқсас жаңалықтар