Жартылай финалдан 13 салмақ дәрежесінде қазақстандық спортшылар бесеуінде өнер көрсетеді. Бірақ, осы кездесулердің нәтижесіне қарамастан, боксшылар әлем чемпионатының бес медалін, сондай-ақ 25 000 доллар жүлдемен қамтамасыз етті.
Енді сәті түссе қазақстандық былғары қолғап шеберлері жоғары сынамалы медальдарға үміттене алады. Онда жүлде сомасы күміс үшін - 50 000, бірінші орын үшін -100 000 долларды құрайды.
Әлем чемпионатының жартылай финалдық кездесулері 4 қарашада сағат 18:00-де басталады. Күндізгі сессияны қазақстандық боксшы Теміртас Жүсіпов (48 кг) ашады. Оның қарсыласы 2017 жылғы Еуропа чемпионатының қола жүлдегері, Беларусь елінен келген Евгений Кармильчук болмақ.
Токио Олимпиадасының қола жүлдегері Сәкен Бибосынов (51 келі) Тайланд боксшысы Танарат Саенгфетиспен кездеседі.
54 келіге дейінгі салмақта Махмуд Сабырхан Үнді Акаш Кумарға қарсы тұрады.
Қазақстандық-кубалық жекпе-жекті жанкүйерлер 57 келіге дейінгі салмақ дәрежесінде тамашалайды. Серік Теміржанов Освей Кабаллеро Гарсияға қарсы рингке шығады.
Қазақстан құрамасының капитаны Абылайхан Жүсіповке (67 келі) жапондық Севонрет Оказава қарсылас атанды.
