Президент • 04 Қараша, 2021

Мемлекет басшысы коронавирусқа қарсы ревакцинацияға кірісуді тапсырды

1151 рет көрсетілді

Мемлекет басшысы Қасым-Жомарт Тоқаев Үкімет пен әкімдер халықты ревакцинациялау науқанына кірісуі қажет екенін айтты, деп хабарлайды Egemen.kz.

«Эпидемиологиялық ахуал тұрақсыз болып қалуда. Күн сайын 30-ға дейін өлім-жітім тіркеледі. Мұның барлығы вакцинация қарқынының төмендеуі аясында орын алып жатыр. 9 айда халықты қамту шамамен 40% болды», деді Қасым-Жомарт Тоқаев Екібастұзда өтіп жатқан моноқалаларды дамыту мәселелеріне арналған жиналыста.

Ақорданың Twitter-де жарияланған ақпаратына сәйкес, Президент өзге елдердің басым бөлігі халықты ревакциналауға көшіп кеткенін атап өтті.

«Қарқынды науқанды наурыз айында бастағанымызды ескерер болсақ, бізге де ревакциянация уақыты жетті. Үкімет пен әкімдер халықты ревакцинациялау науқанына кірісуі қажет», деді Мемлекет басшысы.

Соңғы жаңалықтар

Доллар арзандады

Қаржы • Кеше

Ұқсас жаңалықтар