«Жедел әрекет етуді талап ететін мәселелерге тоқталғым келеді. Биыл әлеуметтік маңызы бар азық-түлік тауарларының бағасы 10,4%-ға өсті. 9 айдың қорытындысы бойынша инфляцияның жалпы өсімі 8,9%-ды құрады», деді Қасым-Жомарт Тоқаев Моноқалаларды дамыту мәселелері жөніндегі кеңесте.
Мемлекет басшысы атап өткендей, азық-түлік тауарлары бағасының өсу қысымымен инфляция 6% жоғарғы деңгейден өтетіні анық.
«Үкімет пен Ұлттық Банкке инфляцияны 8,5% шегінде сақтауды тапсырамын. Менің тапсырмам бойынша делдалдық схемаларды тексеру жөніндегі өңірлік комиссиялар құрылды. Нәтижелерді Президент те, азаматтар да көрмейді. Президент әкімшілігі мұны түсініп, бір апта мерзімде баяндауы тиіс», деп түйіндеді Қасым-Жомарт Тоқаев.
