Елордада ауылшаруашылық жәрмеңкелер маусымы жалғасуда
Осы және келесі демалыс күндері, яғни 6-7 және 13-14 қарашада «Хан Шатыр» СОО жанындағы алаңда Қарағанды, Ақмола, Павлодар облыстары тауар өндірушілерінің және Нұр-Сұлтан қаласы кәсіпкерлерінің қатысуымен ауыл шаруашылығы жәрмеңкелері өтеді.
Қала тұрғындары мен қонақтары дәстүрлі түрде нарықтық бағадан 10-15% төмен тауарларды сатып ала алады.
Сөрелерде өнімдердің кең ассортименті ұсынылады, соның ішінде: сиыр еті, жылқы еті мен қой еті, құс еті, сүт және қышқыл сүт өнімдері, көкөністер (картоп, пияз, сәбіз, қырыққабат), жемістер, тауық жұмыртқасы, балық, жарма, ұн. Екі жәрмеңкеге 200-ден астам тауар өндірушілер мен кәсіпкерлер қатысады.
Айта кету керек, елордада жәрмеңкелерді өткізу әлеуметтік маңызы бар азық-түлік өнімдерінің бағасын тұрақтандыру құралдарының бірі болып табылады. 21 тамыздан бастап Нұр-Сұлтандағы 14 жәрмеңкеге Қазақстанның барлық өңірлерінен 860-тан астам тауар өндіруші қатысты. Олар барлығы 4,8 мың тоннадан астам азық-түлік сатты.
«Биыл қала басшылығының шешімімен әр жәрмеңкеге тауар өндірушілер мен Нұр-Сұлтан базарларының көтерме сатушылары қатысады. Әр жәрмеңкеге елорданың 100-120 өндірушісі қатысады», деді Нұр-Сұлтан қаласының Инвестициялар және кәсіпкерлікті дамыту басқармасының сауда және қызмет көрсету саласын дамыту бөлімінің басшысы Руслан Ыдырысов.
Оның айтуынша, ауа-райы жағдайы жәрмеңкеге қатысуға әсер етпейді, қала тұрғындары азық-түлікті артығымен сатып алуда. Атап өткендей, өңірлердің жәрмеңкелеріне елорда халқының үштен бірі қатысады.
