![Сенаторлар өңірлер өкілеттігін арттыратын заң қабылдады](/media/2021/11/11/crop-11_11_364x494_1f93031f-d283-4edd-8235-4fad9df6bfd0.jpeg)
Сондай-ақ, министрліктерге де қосымша өкілеттіктер жүктеледі. Бұл бағыттағы жаңа нормалар «Қазақстан Республикасының кейбір заңнамалық актілеріне мемлекеттік басқару деңгейлері арасында өкілеттіктерді қайта бөлу мәселелері бойынша өзгерістер мен толықтырулар енгізу туралы» заңда жазылған. Бүгін сенаторлар аталған заңды екінші оқылымда қабылдады.
Заңға сәйкес Білім және ғылым министрлігіне қаржы ұйымдары беретін білім беру кредиттеріне және олардың мөлшеріне кепілдік беру қағидаларын бекіту қызметі жүктеледі. Сыртқы істер министрлігі халықаралық шарттардың орындалуын қамтамасыз ету ісіне мониторинг жүргізуге жауапты болады. Сондай-ақ құжатта мемлекеттік органдар арасындағы өкілеттіктерді бөлуге қатысты басқа да нормалар нақты жазылған
Сенат Төрағасы Мәулен Әшімбаев заң бойынша пікір білдіріп, бұл құжаттың мемлекеттік басқару жүйесін дамытуда және мемлекеттік органдардың дербестігін арттыруда маңызды екенін атап өтті.
«Заң мемлекеттiк аппарат қызметiнiң тиiмдiлiгiн және мемлекеттiк қызметтер көрсету сапасын арттыруды көздейді. Бұл өз кезегінде орталық және жергілікті атқарушы органдардың дербестігі мен жауапкершілігін күшейтеді. Алдағы уақытта осы заң еліміздің дамуына оң әсерін тигізеді деп сенеміз», деді Мәулен Әшімбаев.