Спорт • 12 Қараша, 2021

Кириллдің қарқыны қуантады

245 рет
көрсетілді
1 мин
оқу үшін

Соңғы кездері үстел теннисінен өткен бірқатар халықаралық турнирдегі тәуір нәтижесі арқылы Кирилл Герасименко әлемдік рейтингте бірден бес сатыға жоғарылады.

Кириллдің қарқыны қуантады

Қазіргі кезде ол 41-орынды иеленуде. Осы орайда, Герасименкоға дейін Қазақ­станның бірде-бір үстел теннисшісі дәл осындай биікке көтерілмегенін айта кеткен абзал. Еліміздің екінші ракеткасы Айдос Кенжеғұлов ITTF 376-орында тұрса, Жамал Бекұлан 387-сатыға жайғасты. Ерлердің әлемдік рейтингінде Қытайдың үш бірдей сайыпқыраны көш басында келеді. Олар – Фан Чженьдон, Ма Лун және Сюй Синь. Жапониялық Томакадзу Харимото мен бразилиялық Хьюго Калдерано төртінші және бесінші орындарды иеленуде.

Әйелдер рейтингіндегі «ТОП-10» ойын­шының жетеуі Қытай өкілдері. Алғашқы екі орынды Чен Мен мен Сунь Инша өзара бөлісуде. Үшінші орында – жапо­ниялық Мима Ито. Ал жерлестеріміздің арасындағы ең үздік көрсеткіш Анастасия Лаврова мен Зәуреш Ақашеваға тиесілі. Олар 167 және 170-сатыларға тұрақтады.