Астық жинау науқаны аяқталды

Ауыл шаруашылығы ми­нис­трлігінің хабарлауынша, 80,8 мың тонна қарақұмық жиналған. Бұл 2020 жылғы деңгейден76 пайызға артық. Сондай-ақ қара бидай өткен жылмен салыстырғанда 43 пайызға, дәндік жүгері 22,6 пайызға, бұршақ дақылдары 1,3 пайызға артық жиналған. Та­ры өнімділігі өткен жылмен салыстырғанда 15 па­йыз­ға, жүгері 5 пайызға
өс­кен.

«Жаңа егіннің асты­ғы жоғары сапалы көрсет­кіш­терге ие. Мәселен, ли­це­н­­зия­ланған астық қабыл­дау кә­сіпорындарына тап­сырылған жұмсақ бидайдың жал­пы көлемінің 90,5 пайы­зы 1-3 сыныптарға жат­қы­зылған. 2020 жылы бұл көрсеткіш 81,2 пайыз-
ды құраған болатын», де­лін­ген министрлік ха­бар­ламасында.

Құрамында дәні жоғары бидай үлесінің айтарлықтай өсуі байқалады. Бұл ретте 3-сыныпты жұмсақ бидай көлемінде әлемдік нарықта сұранысқа ие жоғары сапалы HI-Pro бидайының үлесі шамамен 60 пайызды құраған.

«Өсірілген астық ішкі нарықты толық қамта­масыз ету үшін, сондай-ақ экспортқа белгілі бір көлем­ді жөнелту үшін жет­кі­лікті», дейді министрлік.

Сонымен қатар 3,9 млн тонна картоп, 4,9 млн тонна көкөніс дақылдары, 2,8 млн тонна бақша дақылдары жиналды.

Майлы дақылдарды жинау жалғасуда. Олардың жалпы жинау алаңының 3 млн гектары (96,6 пайызы) жиналып, 2,3 млн тоннасы бастырылған.