Аталған орталық бөгеттен небәрі 500 метр қашықтықта орналасқан. Иттер орналасқан жерге су ішінара кірген. Оның деңгейі шамамен 15-20 см құрайды.
«Жануарлар аман. Паналау орнында барлығы 150 ит болған. Су басқан кезде ТЖМ құтқарушылары мен мекеме қызметкерлері жануарларды қауіпсіз жерге көшірген. Қазіргі уақытта су деңгейі төмендеді», делінген ТЖМ таратқан хабарламада.
Еске салайық, бұған дейін Төтенше жағдайлар министрлігі су тасқыны елді мекендерді шаймағанын, адамдар дін-аман екенін хабарлаған болатын.
