Кәсіпқой бокс • 23 Қараша, 2021

Данияр Елеусіновтің қарсыласы анықталды

47 рет көрсетілді

Кәсіпқой бокс әлемінде жартылай орта салмақ дәрежесінде бақ сынап жүрген сайыпқыранымыз, Олимпиада ойындарының чемпионы Данияр Елеусіновтің IBO тұжырымы бойынша әлем чемпионы атағына таласатын шайқасында кіммен жұдырықтасатыны белгілі болды, деп хабарлайды Egemen.kz.

Қазақ оғланы шаршы алаңда мексикалық Данте Хардонмен кездеседі. 33 жасар мексикалық осы жылы айрықша белсенділігімен көзге түсіп жүр. Ол 2021 жылы Даниярмен өтетін жекпе-жекке дейін екі рет рингке көтеріліп үлгерді. Екеуінде де жеңіске жетті. Соңғысында өзінің аутсайдер саналғанына қарамастан, ұлыбританиялық Энтони Томлинсонды тоғызыншы раундта мерзімінен бұрын ұтып, талайларға таңдай қақтырған болатын.

Естеріңізге сала кетейік, 18 желтоқсан күні елорда төрінде өтетін бокс кешінде шаршы алаңға Даниярдан бөлек Иван Дычко, Ержан Залилов, Дәурен Елеусінов, Жаңқош Тұраров, Ангелина Лукас көтерілмек.

Соңғы жаңалықтар

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар