Үкімет басшысы елдегі эпидемиологиялық жағдай тұрақты болғанымен, шекаралас мемлекеттердегі жағдай босаңсуға болмайтынын көрсетіп отырғанын атады.
«Жалпы эпидемиологиялық жағдай тұрақты. Инфекциялық ауруханалардағы орындардың қамтылуы 30 пайызды, ал реанимациялық орындардың қамтылуы 25 пайызды құрайды. «Қызыл» аймақта екі өңір – Павлодар және Солтүстік Қазақстан облыстары қалып отыр. «Сары» аймақта 4 өңір, «жасыл» аймақта 11 өңір бар», деген Асқар Мамин санитариялық талаптарды әрі қарай да жаппай сақтау керектігін атап өтті.
«Дегенмен, вирустың таралуы шекаралас мемлекеттерде өскенін ескерсек, санитариялық талап шараларын жаппай сақталуы тиіс. Әсіресе шекара маңындағы өңірлер эпидемиологиялық ахуалды тұрақты бақылауда ұстауы қажет», деді Үкімет басшысы.
