24.kg Facebook-те № 31 Шуй-Кемин округі бойынша депутаттыққа кандидат Медербек Саққараев туралы құжат жарияланғанын жазады.
Құжат Алматы полиция департаментінен алынған. Оған көші-қон қызметі басқармасының бастығы А. К. Бутунчинов қол қойған.
Онда Саққараевтың өзі бас тартпаған Қазақстан азаматтығы бар екені айтылған.
«ҚР жеке тұлғаларының мемлекеттік деректер қорына сәйкес, 12.12.1971 жылы туған Саккараев Медербек Жамангулович Қазақстан Республикасының азаматы болып табылады. Қазақстаннан тыс жерлерге тұрақты тұруға кету мәселесі бойынша Қазақстан Республикасының азаматтығынан шығу/жоғалту туралы Алматы қаласы ПД ОӘБ-не жүгінген жоқ», дейді Алматы қаласы ПД көші-қон қызметі басқармасының бастығы А. К. Бутунчинов.
Қырғызстанның Орталық сайлау комиссиясы бұл мәліметтерді тексеру үшін сұрау жіберді. Егер ақпарат расталса, Саққаараевты тіркеу тоқтатылады. Қырғыз Заңы бойынша депутаттың өзге азаматтығына ие болуына тыйым салынады.
Бұл қырғызстандық саясаткерлердің Қазақстан азаматтығы бар деп күдіктенуінің бірінші жағдайы емес.
2017 жылы президенттік сайлау алдында БАҚ-та президенттікке кандидат Өмірбек Бабановтың Қазақстан азаматтығы болғаны туралы ақпарат пайда болды. Бабановтың өзі бұл ақпаратты теріске шығарды. Қазақстанның Ішкі істер министрлігі де оның сөзін растады.
«Қазақстандық заңнама бойынша Бабанов ҚР азаматы болған емес», деп хабарлады ІІМ.
