Бес жүлде жиынтығы сарапқа салынып жатқан дүбірлі додада Қазақстанның намысын екі ойыншы қорғауда. Зәуреш Ақашева (әлемдік рейтингте 170-орында тұр) тұсаукесер кездесуінде Панамерика ойындарының жеңімпазы, Пуэрто-Риконың өкілі Даниеля Риосты (184) 4:1 есебімен жеңді. Енді 1/32 финалда ол жұптық сайыстағы Токио Олимпиадасының чемпионы, жапониялық Мима Итомен (3) шеберлік байқасады. Ал Анастасия Лаврова (167) аса шиеленісті бәсекеде Жасөспірімдер олимпиадасы мен жастар арасындағы әлем чемпионатының жүлдегері, румыниялық Андрея Драгоманға (252) жол берді. Есеп – 3:4.
