Елбасы • 27 Қараша, 2021

Елбасы «Астана Опера» театрында Мария Мудряктың концертін тамашалады

86 рет көрсетілді

Нұрсұлтан Назарбаев «Астана Опера» театрында өткен белгілі опера әншісі Мария Мудряктың «Сен үшін, менің Қазақстаным!» концертін тамашалады, деп хабарлайды Egemen.kz Елбасының баспасөз қызметіне сілтеме жасап.

Балалық шағында ол «Болашақ» бағдарламасы бойынша Миланда жоғары музыка академиясында оқып, содан кейін Дж.Верди атындағы Мемлекеттік консерваторияны сәтті бітірді.

Мария Мудряк - көптеген халықаралық байқаулардың лауреаты. Қысқа уақыт ішінде ол ең танымал опера әншілерінің біріне айналып, әйгілі театрлардың сахналарында өнер көрсетті.

ш

Концерт Қазақстанның Тұңғыш Президенті күніне және ел Тәуелсіздігінің 30 жылдығына арналды. Мерекелік бағдарламаға баритон Владимир Стоянов және «Астана Опера» театрының симфониялық оркестрі қатысты.

Концерттік бағдарламаның соңында Елбасы Мария Мудрякпен әңгімелесті. Ол Елбасымен алдағы шығармашылық жоспарларымен бөлісіп, Қазақстанда тағы бірнеше концерт беруді, сондай-ақ ЭКСПО дүниежүзілік көрмесінің қонақтары үшін БАӘ-де өнер көрсетуді қалайтынын айтты. Өз кезегінде Елбасы опера әншісінің жоғары кәсібилігін атап өтіп, оған шығармашылық табыс тіледі.

ш

Соңғы жаңалықтар

Димаш Дубайда ән шырқайды

Өнер • Бүгін, 16:10

Елордада эпидахуал нашарлады

Коронавирус • Бүгін, 15:00

Ұқсас жаңалықтар