Әлем • 29 Қараша, 2021

Тағайындалысымен отставкаға кетті

Швеция тарихындағы алғашқы әйел премьер-министр болып тағайындалғаннан соң бірнеше сағат өткеннен кейін отставкаға кетті.

Светлана ҒАЛЫМЖАНҚЫЗЫ

Магдалена Андерссон сәрсенбіде үкімет басшысы болып тағайындалды, дегенмен оның коалициялық серіктесі үкіметтен шығып, ұсынған бюджеті қабылданбағаннан кейін отставкаға кетті.

Оның орнына парламент оппозиция дайындаған бюджетке дауыс берді. «Мен спикерге отставкаға кеткім келетінін айттым», деді М.Андерссон журналистерге.

Десе де Андерссон тағы да премьер-министр болуға үміттенетінін жеткізді. «Коалициялық үкімет бір партия бәсекелестіктен шыққан кезде отставкаға кетуі керегі жөнінде Конституциялық тәжірибе бар. Мен заңдылығы күмән тудыратын үкіметті басқарғым келмейді», деді социал-демократтар өкілі.

Швед әйелдері сайлауда дауыс беру құқығына ие болғаннан жүз жыл өткен соң алғаш рет үкімет басшысы болған 54 жастағы социал-демократ жетекшісіне парламент немесе Риксдаг мүшелері қол шапалақтады.

Оның үкімет басшысы болып сайлануы оппозициялық солшыл партиямен 11 сағаттық келісімнен кейін жүзеге асқан. Нәтижесінде, демократтар азаматтардың зейнетақысын көбейтуге келісім берді.

Негізінде Риксдагтың 349 мүшесінің 174-і оған қарсы дауыс берді. Бірақ М.Андерссонды қолдаған 117 депутаттан басқа, тағы 57 адам қалыс қалып, оған премьер-министр болуға мүмкіндік берілді.

Уппсала университеті қалашығының жүзу бойынша бұрынғы чемпионы, өзінің саяси мансабын 1996 жылы сол кездегі премьер-министр Горан Перссонның саяси кеңесшісі ретінде бастаған. Соңғы жеті жыл ішінде ол қаржы министрі қызметін атқарды.

Күннің маңызды және өзекті жаңалықтарын «Егемен Қазақстан» телеграм каналынан оқыңыз