Аймақтар • 01 Желтоқсан, 2021

Шымкентте 50 жаңа автобус желіге шығарылды

450 рет
көрсетілді
1 мин
оқу үшін

1 желтоқсан - Тұңғыш Президент күніне орай Шымкентте 50 жаңа автобус желіге шығарылды. Қала әкімі Мұрат Әйтенов арнайы барып автобустарды көріп, дайындығын тексерді, деп жазады Egemen.kz.

Шымкентте 50 жаңа автобус желіге шығарылды

«Қалаға алынған 590 жаңа автобустың 300 бағыттарға қосылған болатын. Бүгін, өздеріңіз көргендей 50 автобус желіге шығарылуда. Қалған 240 жаңа көлікті Тәуелсіздік күні қарсаңында тұрғындар игілігіне беру жоспарлануда. Қазіргі таңда қоғамдық көліктердің 80 пайызы жаңартылды. Жыл соңында бұл көрсеткіш 90 пайызға жетеді. Нәтижесінде автобустарды жаңарту бойынша Шымкент республикамызда алғашқы үштікке енбек. Енді, қоғамдық көліктердің қызмет сапасы мен мәдениетін көтеру бағытында жұмыс жасауымыз керек. Бұл қызмет көрсетуші мекеменің тікелей жауапкершілігінде. Осыған аса мән беріңіздер», деді Шымкент қаласының әкімі Мұрат Әйтенов.

1

Бүгінгі елу автобус №104, №60 автобус бағытында және №6, №51, №67 жаңа бағыттарда қызмет көрсететін болады.

1) № 104 автобус бағыты — Қайтпас ш/а — Оңтүстік ш/а;
2) № 60 автобус бағыты — Қазығұрт ш/а — ТЖВ;
3) № 6 автобус бағыты — Тұрлан ш/а — Төле би к-сі;
4) № 51 автобус бағыты — Самал ш/а — Түркістан к-сі;
5) № 67 автобус бағыты — Нұрсат ш/а — Қорғасын аялдамасы.

Барлық автобустар газбен жүретіндіктен екі арнайы газ құю бекеті салынды. Жақын арада үшінші газ құю бекеті де іске қосылады.

Соңғы жаңалықтар

Су үнемдейтін қондырғы

Технология • Кеше