2019 жылы Қарағанды қаласының УП-не белгілі бір азаматтың алаяқтық әрекеттерінің құрбаны болған азаматтардан өтініштер келе бастаған.
Анықталғандай, алаяқ өзін банктердің бірінің басшысы ретінде таныстырып, инвестициялық бағдарламаға салым салу үшін халықтан ақша тарта бастаған. Бұл ретте ол салынған соманың 1% түрінде дивидендтерді күнделікті төлеуге уәде берген. Қарағанды қаласының тұрғындары бұл ұсынысты тартымды санап, өз жинақтарын алаяққа беріп, орнына қаржы мекемесі директорының атынан қол қойылған кепілдік хаттарды алған.
Бастапқыда алаяқ «инвесторларға» кейбір ақша қаражатын беріп тұрған, бірақ уақыт өте келе байланысты мүлде үзген. Нәтижесінде, жәбірленушілерге келтірілген залалдың жалпы сомасы 263 млн теңгені құрады.
Polisia.kz сайтының мәліметінше, аталған деректі ҚР ҚК 190-бабы «Алаяқтық» бойынша қылмыстық іс қозғады.
Полиция банктердің бірінің қызметкері болып табылатын 31 жастағы ер адамды анықтады, ол сотқа дейінгі тергеу барысында қылмыстық қудалау органдарынан жасырынып жүрген. Күдіктіге қатысты Қарағанды қаласының мамандандырылған тергеу соты сырттай күзетпен ұстау түріндегі бұлтартпау шарасын таңдап, халықаралық іздестіруді жариялады.
«Жедел-іздестіру шаралары барысында Ресей Федерациясының Санкт-Петербург қаласындағы криминалдық полиция қызметкерлері күдіктіні анықтап, ұстады. Ол Ленинград облысының изоляторларының біріне қамалды. Қазіргі уақытта ұсталған адамды Қазақстанға экстрадициялау мәселесі шешілуде», деді Қарағанды облысы полиция департаменті бастығының орынбасары Абиль Абильдин.
