Экономика • 02 Желтоқсан, 2021

Қазақстанда депозиттердің сыйақы мөлшерлемесі бекітілді

282 рет
көрсетілді
1 мин
оқу үшін

Қазақстанның депозиттерге кепілдік беру қоры теңге депозиттері бойынша 2022 жылдың қаңтар айына ұсынылатын ең жоғары сыйақы мөлшерлемелерін бекітті, деп хабарлайды Egemen.kz.

Қазақстанда депозиттердің сыйақы мөлшерлемесі бекітілді

Қордың мәліметінше, жеке банктерде депозиттердің 12 және 24 айлық мерзімді депозиттерде және 24 айлық жинақ салымдарда айрықша шоғырлануы нарық мөлшерлемелеріне ықпал етпес үшін ұзақ мерзімді депозиттер бойынша максималды сыйақы мөлшерлемелері желтоқсан айындағы мәндік деңгейде сақталды.

«12 айға арналған жинақ салымдар бойынша максималды сыйақы мөлшерлемелері 13,9% деңгейінде қалды. Мақсат – олардың тартымдылығын сақтау және халықтың ұзақ мерзімді салымдарға деген қызығушылығын ояту және оған қолдау көрсету. Мерзімсіз депозиттер бойынша максималды мөлшерлемелер 9,5% деңгейінде бекітілді», делінген ресми хабарламада.