«ҚР Қаржы мониторингі Агенттігінің Батыс Қазақстан облысы бойынша аумақтық департаменті салық төлеуден жалтару фактісі бойынша «Бурлингазстрой компаниясы» ЖШС-қа қатысты қылмыстық істі тергеуді аяқтады», деп жазады Қаржылық мониторинг агенттігінің баспасөз қызметі.
Тергеу мәліметтері бойынша, кәсіпорын басшысы Өтегенов 2015-2019 жылдар аралығында салық декларациясына көрінеу жалған мәліметтер енгізгізіп отырған, нәтижесінде, ол 157 млн теңгеден астам сомаға салық төлеуден жалтарған.
«Өтегенов сотталды, сондай-ақ коммерциялық ұйымдарда ұйымдастырушылық-басқарушылық функцияларды орындаумен байланысты қызметпен айналысу құқығынан үш жылға айырылды», деп толықтырды ведомство.
