Грузияның бірнеше мың азаматы адамның коронавирусқа қарсы мәртебесін анықтайтын «Жасыл төлқұжаттар» жүйесін енгізуге наразылық білдіріп, Тбилиси астанасының орталық даңғылдары бойымен шеру өткізді.
«Жасыл төлқұжат» немесе «ковид-паспорт» - азаматтың ковид-мәртебесі туралы мәліметтер енгізілетін электрондық құжат саналады. Оған вакцинацияның толық курсынан өту, аурудың мерзімі, ПТР-тест нәтижелері топтастырылған. Грузияда «жасыл төлқұжаттар» жүйесі 1 желтоқсаннан бастап жұмыс істей бастады. Енді қоғамдық орындарға, мейрамханаларға, ойын-сауық және сауда орталықтарына тек QR-кодпен баруға болады.
Акцияға қатысушылар жаңа жүйені енгізуді «дискриминация және вакцинацияға мәжбүрлеу» деп санайды.
Наразылық білдірушілер билік төлқұжат түрін жойғанға дейін наразылықты одан әрі жалғастыруды жоспарлап отыр.
