Аймақтар • 07 Желтоқсан, 2021

Шымкенттік әйел ұлын 29 жылдан соң түрмеден тапты

219 рет
көрсетілді
2 мин
оқу үшін

Колонияда жазасын өтеп жатқан ер адам 29 жылдан кейін өз анасымен қауышты, деп хабарлайды Egemen.kz.

Шымкенттік әйел ұлын 29 жылдан соң түрмеден тапты

Бұл туралы OTYRAR басылымы жазады.

Ер адам 29 жыл бойы анасын іздеп табуға тырысқан. Осы аралықта оның өмірінде көп өзгеріс болды: үйленді, балалары дүниеге келді, кейін ол қылмыс жасап, түрмеге түсті.

Сотталушы ИЧ 167/2 қатаң режимді колонияда жазасын өтеп жатыр, әлі 5 жыл отырады.

«Мен оны табуға тырыстым, бірақ ешқандай ақпарат болмады. Туыстарым оның қайда екенін менен жасырды, мен білген жоқпын. Түрмеге түскен соң, қызметкерлерден көмек сұрадым. Бірнеше айдан кейін ол табылды. Біз телефон арқылы сөйлестік, кездесуімізді күттік. Міне, бүгін мен оны көремін. Менің әйелім және екі балам бар, енді анаммен қауыштым», дейді сотталушы.

Әйел қиын сәтте қасынан табылмағаны үшін ұлынан кешірім сұрады. Айтуынша, ол да осы жылдар бойы ұлын іздеген. Әйел баласының түрмеде отырғанына шошыған жоқ. Ең бастысы, ол аман, қалған қиындықты жеңуге болады.

«Өмірде бәрі қателеседі! Мен ұлымды ешқашан айыптамаймын. Мен оны іздедім, бірақ туысқандары оған менімен араласуға тыйым салды. Өмір солай, қайтеміз, ешкімді кінәламаймын. Ең бастысы мен оны таптым», дейді сотталушының анасы.

«Сотталушы бізден анасын табуды өтінді, біз барлық инстанцияға сұрау салдық, артынша жауабы келді. Анасын таптық, бүгін олар кездесті. Енді олар ешқашан ажырамайды деп үміттенемін» дейді ИЧ 167/2 бастығы орынбасары Мағжан Сембек.

Бұл колонияда 700-ден астам адам жазасын өтеп жатыр.

 

 

Соңғы жаңалықтар

Су үнемдейтін қондырғы

Технология • Кеше