Пәтер тонаушылар ұсталды

Ақтөбе облысында бір тәулік­те 5 пәтер тонаған күдіктілер ұ­стал­ды. Көршілес Қостанай облысынан келген 37-38 жас шамасындағы 3 жігіт 5 пәтердегі алтын бұйым­дар­ды, бағалы киімдерді, тұрмыстық техникаларды және ақшаны қолды еткен. Олар пәтер иелерінің үйде жоқтығын пайдаланып, есікті бұзып ойындағыларын іске асырыпты. Жалпы, жыл басынан бері осы қалада 100-ден аса пәтер тонау дерегі тіркеліп, 4 қылмыстық топ қолға түскен. Араларында Алматыдан пәтер­дегі мүлікті арна­йы тонауға кел­гендері де бар. Қазір осы қыл­мыс­тық топ мүшелері тергеу оқ­шаулағышында отыр. Ақтөбе қалалық ішкі істер бөлімі басшысының орынбасары Арман Дәулетовтің айтуынша, 5 пәтер мүлкін қолды еткен күдіктілер де қамауға алынған. Қазір олар туралы өзге өңірлерде де тексеру ісі жүргізілуде. Данияр ТҮЙМЕБАЙ.