![Қазақстан мен Мексиканың ынтымақтастығы нығаяды](/media/2021/12/09/78532ba1cb010d1def1f8621668d7a05_1280x720.jpg)
Іс-шараға ҚР Сыртқы істер министрлігі Америка департаментінің директоры Нұрғали Арыстанов пен Мексика Сыртқы істер министрлігі Африка, Орталық Азия және Таяу Шығыс департаментінің бас директоры Ампаро Эрендира Ангиано Родригес қатысты.
Тараптар екі ел арасындағы қарым-қатынастардың күн тәртібін, оның ішінде саяси, сауда-экономикалық және мәдени-гуманитарлық ынтымақтастықты, шарт-құқықтық базаны кеңейту мәселелерін ортаға салды.
«Мексика - Қазақстанның Латын Америкадағы ең ірі серіктестерінің бірі. Біз Мексикамен орнатылған серіктестікті достық, өзара құрмет және сенім рухында одан әрі тереңдетуге ниеттіміз», деді Нұрғали Арыстанов өз сөзінде.
Биыл екі ел арасындағы тауар айналымы жоғары динамиканы көрсетіп, 2020 жылғы көрсеткіштермен салыстырғанда екі есеге өскен.
Бейнеконференция қорытындысы бойынша қос тарап жемісті ынтымақтастықты одан әрі жалғастыру бағытында жұмыс істейтіндерін айтты.