Аймақтар • 16 Желтоқсан, 2021

Алматыдағы «Сұңқар» трамплинінде спорт кешені ашылды

Алматы қаласының әкімі Бақытжан Сағынтаев спорт кешенінен, бейімдеу орталығынан және жабық жүзу бассейнінен тұратын «Сұңқар» халықаралық шаңғы трамплиніне барды, деп жазады Egemen.kz.

Эльвира СЕРІКҚЫЗЫ

Спорт кешені 6 мың шаршы метрден астам аумақта орналасқан. Спорт кешені еркін, грек-рим және әйелдер күресі, казак күресі, бокс, дзюдо, таэквондо, мини-футбол, волейбол, баскетбол, гандбол және т.б. әртүрлі спорт түрлері бойынша ауқымды шараларға арналған. 1285 орынға есептелген (658 стационарлық отыратын орын, жылжымалы мінбелерде – 627 орын). Спорт алаңының көлемі – 22х42 метр, төбесінің биіктігі – 12 метр.
Кешен жаттығу үшін спорттық керек-жарақтармен толық жабдықталған. Паркет жүйесіне ерекше назар аударылады, оңтайлы үйкеліс коэффициенті бар арнайы жабын спортшылардың қауіпсіздігін қамтамасыз етеді.
7 жолға арналған 25х16 метрлік жабық жүзу бассейні түрлі су спорт түрлері бойынша ірі, соның ішінде халықаралық жарыстарды өткізе алады.
Сондай-ақ, орталықта сауықтыру және демалу үшін үй-жайлар, душ, массаж кабинеті, киім шешетін бөлмелер, медициналық кабинет, сауна және жаттықтырушы бөлмелері қарастырылған. БАҚ үшін комментаторлық және паркинг бар.
Бейімдеу-жаттығу орталығында іс-шараларды өткізу үшін толық жабдықталған 108 бөлме, үш заманауи конференц-зал бар. 500 орынды спортшыларға арналған диетологтың қызметтері бар кафе, бассейні бар ашық жазғы алаң қарастырылған.
Жобаға 7,7 млрд теңге инвестицияланды. Almaty Business 2025 кәсіпкерлікті дамыту өңірлік бағдарламасы аясында спорттық құрал-жабдықтар сатып алуға 84 айға жылдық 6%-бен 500 млн теңге сомасында жеңілдікті несие берілді. Осы жобаны қаржыландыру аясында бассейндегі аутист балаларға арналған нұсқаушымен тегін жаттығу мүмкіндігі қамтамасыз етілді.