Әлем • 21 Желтоқсан, 2021

Өртеніп жатқан сауда орталығынан 200 адам эвакуацияланды

256 рет
көрсетілді
1 мин
оқу үшін

Томскіде «Лента» сауда орталығы өртеніп жатыр, деп хабарлайды Egemen.kz.

Өртеніп жатқан сауда орталығынан 200 адам эвакуацияланды

Ведомствоның мәліметінше, Томск қаласындағы Елизаровых көшесі, 13 мекен жайындағы «Лента» сауда орталығында өрт шыққаны туралы хабарлама Ресей ТЖМ өрт сөндіру және құтқару қызметіне 11:06 (Мәскеу уақытымен) шамасында түскен. 

«Бірінші бөлімше келген кезде ғимарат шатырының астынан түтін шығып жатқан. Өрт сөндірушілер оқиға орнында жұмыс істеп, өрт ошағын іздеп жатыр», деп жазылған ресейлік БАҚ-та жарияланға хабарламада. 

Соңғы мәліметтер бойынша 200-ге жуық адам эвакуацияланған. Қазіргі уақытта өрт аумағы нақтылануда. 

Құтқару бөлімі өрт ошағын іздеу жүріп жатқанын атап өтті. Оқиға орнында 76 адам және 24 техника жұмыс істеп жатыр.