Сондай кәсіпкердің бірі – «Алтын» жеке кәсіпкерлігінің директоры Алтынбек Дүйсембиев. Индер ауданында тұратын жас кәсіпкер биыл сабын шығаратын шағын цех ашты.
Еліміздің тәуелсіздік алған жылдар ішінде елімізде оң өзгерістер болып, толымды жетістіктерге қол жетті. Отандық экономиканың әр саласы қарқынды даму жолына түсті. Оның ішінде шағын және орта бизнес те бар. Осы саланы өркендетуге үлесімді қосуға бел байладым. Сөйтіп, Тәуелсіздіктің 30 жылдық мерейтойына тарту еткім келді, – дейді А.Дүйсембиев.
Оның айтуынша, кір сабын шығару үшін біраз ізденуіне тура келіпті. Шағын цехқа қажетті арнайы құрылғыларды орнатқан. Ал жақында 4 млн 700 мың теңге көлемінде қайтарымсыз грант алды.
– Кір сабын қоспасының басым бөлігі – кәдімгі күнбағыс пен малдың іш майы. Ауылдағы фастфуд дайындайтын дүңгіршектерден қайнатылған күнбағыс майын жинаймыз. Оны арнайы ыдыста қайтадан қайнатып, үлкен қазанға құямыз. Қазандағы майға қажетті қоспаларды қосып, әбден араластырамыз. Қоймалжың қоспа әбден нығыздалып, арнайы пішінге келтіретін құрылғыға ауыстырылады. Кәдімгі кір сабын осылай дайындалады, – дейді ол.
Енді жас кәсіпкер қайтарымсыз грант қаржысына тағы да жаңа құрылғылар алуды көздеп отыр.
Атырау облысы
