Бұл кітаптың ерекшелігі – тұңғыш рет жаңа технологиялармен интерактивті форматта жасалуы. Яғни бұл жинақтағы шаһар тарихының ежелгі кезеңінен бүгінге дейінгі аралықтағы мәліметтер оқырманға IT-технологияларға сүйенген медиаконтентпен берілген. Дәлірек айтсақ, кітаптағы суреттер кенеттен «тіріліп» сөйлей жөнеледі, мұражай экспонаттары мен ескерткіштер 3D-форматта көз алдыңызға келе қалады. Интерактивті фотосуреттер, мәтіндердің орыс және ағылшын тілдеріне аудармасы QR-код бойынша қаралады.
– Бұл Орал қаласының тарихы жайында шыққан алғашқы кітап емес. Қаланың тарихы туралы бұған дейінде көптеген еңбек жазылды. Бұл жинақта біз шаһарымыздың әр кезеңдерде жарық көрген тарихын жинақтап, талдап, шынайы сипатқа келтірдік. Соңғы кезде археологтер тапқан Жайық қалашығы қазба жұмыстарының нәтижесінде 13 ғасырға дейінгі кезең қамтылды. Осы уақытқа дейін қала бес тарихи кезеңнен өтті. Тәуелсіз Қазақстан жағдайында Орал шаһарымыз әрі қарай дами бермек, – деді тарих ғылымдарының докторы, профессор, академик, редакция алқасының төрағасы Тұяқбай Рысбеков.
Батыс Қазақстан облысы
