Ұйымдастырушылардың мұндай шешім қабылдауына, Ресей құрамасы ойыншыларынан коронавирусты анықтайтын тест нәтижесінің оң шығуы себеп болды. Нәтижесінде, Словакияға қарсы өткен ойында ресейліктерге техникалық жеңіліс жазылды. Бұған дейін Финляндиямен болған ойында Чехияға да осындай жеңіліс жазылған еді. Себебі Чехия құрамасының бір ойыншысынан коронавирус анықталған болатын. Сонымен қатар дәл осындай жағдаймен АҚШ құрамасы да Швейцариядан «жеңілуге» мәжбүр болды.
IIHF президенті Люк Тардифтің айтуынша, федерация жарысты 2022 жылдың жазында қайта өткізуді жоспарлап отыр.
