Республикалық және жергілікті маңызы бар автожолдардың 10 мың шақырымы құрылыс, реконструкция және жөндеу жұмыстарымен қамтылды. Оның 3,6 мыңы республикалық маңызы бар жолдар. Атап айтқанда, Талдықорған – Өскемен, Қарағанды – Балқаш – Бурылбайтал – Күрті – Қапшағай, Ақтөбе – Атырау – Астрахань, Қалбатау – Майқапшағай, Үшарал – Достық, Ұзынағаш – Отар, Меркі – Бурылбайтал, Қостанай – Денисовка жолдары.
Құрылыс маусымына жолдардағы жобаларға 200 мыңдай адам және 12 мыңға тарта жол-құрылыс техникасы жұмылдырылды. Жыл қорытындысында жолдардың сапасын арттыра отырып, I және II санаттағы 2 248 шақырым автожол пайдалануға берілді. Жақын маңдағы 120 елді мекенді қамтыған сенімді көлік қатынасы қамтамасыз етілді. Ірі елді мекендер жанында 6 айналма жолы салынып, көлік және транзиттік тасымалдар көлемі 2,5 есе артты. Бұл ретте жол құрылысындағы қазақстандық қамту 90%-дан асты.
Жол бойындағы сервисті дамыту үшін тиісті қызметтерді толық қамтитын 71 кешен іске қосылды. Олар: кемпингтер, мотельдер, жанармай құю стансалары, техникалық қызмет көрсету стансалары, тамақтанатын сауда орындары және т.б.
