4 қаңтарда наразылық білдірушілер Ақтөбе облысы әкімдігінің ғимаратын басып алып, ішіндегі бағалы заттарды алып кеткен.
«Ақтөбе облысында бір ғана ғимарат зардап шекті. Ол – облыс әкімдігінің ғимараты. Өздеріңіз білесіздер, бұзақылар баса-көктеп кіріп, тәулік бойы ойларындағысын жүзеге асырды. Біз бағалап отырған алдын ала шығын шамамен 300 млн теңге. Негізінен ноутбуктер, компьютерлер, бейнекамералар тоналды. Бағалау жұмыстары жүргізілуде, бірнеше бағалау компаниялары жұмыс істеуде, келесі аптада шығын сомасын нақты білетін боламыз», деді Р. Қамбаров.
Р. Қамбаров бұзақыларға тосқауыл қойған полицияға, сондай-ақ үйде қалған азаматтарға алғысын білдірді.
